Frá klaki til slátrunar
Laxar fiskeldi er fiskeldisfyrirtæki sem framleiðir hágæða lax fyrir kröfuhörðustu markaði heims bæði í Evrópu og Bandaríkjunum. Fyrirtækið rekur þrjár seiðaeldisstöðvar í Ölfusi. Í Reyðarfirði rekur fyrirtækið umfangsmikið og fullkomið sjókvíaeldi með 16.000 tonna framleiðsluheimild á laxi. Á Djúpavogi er starfrækt öflugt sláturhús, Búlandstindur sem er í eigu Laxa og fleiri samstarfsaðila. Framleiðslugeta sláturhússins er 125 tonn á dag. Fyrirtækið er með skrifstofur í Kópavogi og á Eskifirði.
Stefna fyrirtækisins er að byggja upp leiðandi eldisfyrirtæki þar sem þekking og tækni er í fyrirrúmi en jafnframt fjárhagslegur styrkur til að takast á við erfiðleika. Fyrirtækið leggur mikla áherslu á umhverfismál og samfélagslega ábyrgð.
Heilnæm söluvara
Lax er ein umhverfisvænasta matvælaframleiðsla sem til er. Laxinn okkar er hágæðaafurð, rík af próteinum, há í fitusýrum (Omega) og flokkast sem „ofurfæða” (super-food).
Áskorunum í loftslagsmálum og fæðuöflun heimsins verður ekki mætt með auknum landbúnaði einum og sér heldur mun aukið fiskeldi spila lykilhlutverk í að efla fæðuöflun og þörf heimsins á næstu áratugum sbr. yfirlýsingar Sameinuðu þjóðanna og fleiri alþjóðastofnana.
"Gefðu manni fisk, og mettu fjölskyldu hans í einn dag. Kenndu honum að veiða, og mettu fjölskyldu hans að eilífu". M. Hotta
-
![]()
Samkvæmt Matvælastofnun Sameinuðu Þjóðanna (FAO) mun heimsbyggðin þurfa að tvöfalda matvælaframleiðslu sína fyrir árið 2050 til að mæta mannfjöldaaukningu jarðarinnar en nú þegar koma meira en 50% af framleiddum fiskafurðum í heiminum frá fiskeldi.
Á Íslandi eru einar bestu aðstæður í heimi til ræktunnar á laxi í sjó vegna hagstæðs hitastigs sjávar í fjörðum landsins. Laxeldi á Íslandi hefur það að markmiði að hafa umhverfislegar, efnahagslegar og félagslegar aðstæður að leiðarljósi í framtíðarþróun á sjálfbærni laxeldis sem nú þegar hefur staðfest gildi sín sem kjölfesta í samfélagslegri uppbyggingu á Íslandi.
Með aukinni fiskneyslu tökum við umhverfislega ábyrgð og minnkum okkar persónlega kolefnisfótspor. Mesta losun koltvísýrings þegar kemur að laxeldi tengist framleiðslu fiskifóðurs og er laxeldið sjálft því umhverfisvænasta próteinframleiðsla til manneldis sem á sér stað í öllum matvælaiðnaði.
Laxar leggja mikla áherslu á starfa í sátt við náttúru og samfélögin sem við störfum í. Virkt innra og ytra eftirlit er með starfsemi Laxa þar sem lögð er áhersla á sjálfbærni í allri starfsemi fyrirtækisins.
Laxar styrkja fjölbreytt samfélagsleg verkefni á sviði íþrótta- og æslulýðsmála, umhverfismála og menningartengdrar starfsemi.
-
![]()
Í starfsmannahópi Laxa starfar öflugur og fjölbreyttur hópur fólks með mikla reynslu og þekkingu á sínu sviði. Mikil áhersla er lögð á menntun og þjálfun starfsfólks þar sem allir eru hvattir til að sérhæfa sig á sviðum sem tengjast fiskeldi með stuðningi Laxa.
Mikil starfsánægja mælist innan fyrirtækisins og kappkostar fyrirtækið við að viðhalda ánægju, metnaði og framsækni.Við leggjum áherlu á:
- AÐ STARFSFÓLKI SÉ KLEIFT AÐ SAMHÆFA VINNU OG EINKALÍF, FYRIRTÆKINU TIL HAGSBÓTA OG STARFSFÓLKI TIL AUKINNA LÍFSGÆÐA.
- ÖRUGGAR OG GÓÐAR VINNUAÐSTÆÐUR.
- AÐ ALLIR STARFI SEM EIN LIÐSHEILD ÞAR SEM VEL ER TEKIÐ Á MÓTI NÝJU FÓLKI.
- AÐ STARFSFÓLK BERI VIRÐINGU FYRIR STARFINU OG SAMSTARFSFÓLKI.
-
![]()
Laxinn okkar er hágæðaafurð, rík af próteinum, há í fitusýrum (Omega) og flokkast sem „ofurfæða” (super-food). Gæði eldisafurða frá Íslandi eru mikil og uppfylla allar kröfur sem gerðar eru til fæðu manna. Jafnframt hafa manneldisstofnanir og heilbrigðisyfirvöld hvatt fólk til að neyta meira af fiski.
Laxinn inniheldur mikið af Omega-3-fitusýrum og er próteinrík fæða.
